اُجالوں سے

ااُجالوں سے

طارق احمد طارق

شگفتہ خواب خود رکھ لو

سبھی القاب خود رکھ لو

اُجالو اپنی سر مستی

خود ہی کے پاس تم رکھ لو

میں تنہائی کے جنگل میں

بہت ہی دیر بھٹکا ہوں

اندھیروں کے بیاباں میں

میں نقدِ جان رکھتا ہوں

جنوں کا پیرہن پہنے

میں ویرانوں میں چلتا ہوں

جودرپن بے بسی کا ہو

اُسی میں خود کو تکتا ہوں

امیدوں کی سبھی شاخیں

تمنّاؤں کی ہر ٹہنی

گمانوں کی ہی دھرتی پر

میں ہی اکثر اگاتا ہوں

دُکھوں کا خوشنما آنچل

اِن ہی کی ریشمی چادر

تمنّاؤں کے دھاگوں سے

بداتِ خود سِلاتا ہوں

لہذا اپنی خواہش کو

اُجالو اِس نوازش کو

عنایتوں کی بارش کو

خود ہی کے پاس تم رکھ لو۔